गुल्मी। गुल्मी जिल्लाको मदाने गाउँपालिकाका एक पुरुष १५ दिनदेखि सम्पर्कबिहिन भएका छन् ।
मदाने गाउँपालिका वडा न. १ अग्लुङ्गका ४२ वर्षीय प्रकाश मल्ल भारतबाट नेपाल आउने क्रममा सम्पर्कबिहिन भएका हुन् ।
उनी चार महिना अगाडि रोजगारीको लागि भारतको हिमाञ्चल गएका थिए । हिमाञ्चलबाट असार १४ गते स्वदेशका लागि फर्किएका मल्लको अवस्था अहिलेसम्म पनि थाहा हुन सकेको छैन ।
कामगरि कमाएको केही रकमसहित उनी हिमाञ्चलबाट हिडेको थिए ।
परिवारले खोजी लागि सहयोग गरिदिन सबैमा आग्रह गरेको छ ।
साथै उनलाई देख्नु हुने ब्यक्तिहरुले नजिकको प्रहरी कार्यालय तथा ९८४५९०९१४२, ९७४२४९७२९२ मा सम्पर्क गरिदिनु हुन परिवारजनले आग्रह गरेको छन ।
