बागलुङ । अश्लिल गतिविधि बढेपछि कालिका मन्दिर रातको समयमा बन्द गर्नेे तयारी थालिएको छ ।
मन्दिर र मन्दिर परिसरमा रातको समयमा अश्लिल र अवाञ्छनीय गतिविधि हुने र असुरक्षा बढ्दै गएपछि रातको समयमा बन्द गर्ने तयारी थालिएको कालिका भगवति गुठि व्यवस्थापन समितिका अध्यक्ष कुमार खड्काले बताए ।
उनले मन्दिर परिसरमा हुने आवञ्छनीय गतिविधि रोक्नको लागि राति ९ बजेदेखि बिहान २ बजेसम्म मन्दिर परिसर बन्द गरिने बताए । उनले मन्दिर भित्रको श्रोत साधनको सुरक्षाको लागि मन्दिर परिसर रातको समयमा बन्द गर्ने तयारी थालिएको बताए ।
अध्यक्ष खड्काका अनुसार मन्दिर परिसर बन्द गर्ने गरि मुख्य प्रवेशद्वारा नजिक र मालढुङ्गा जाने बाटो नजिक गेट निर्माण गरिने बताईएको छ ।
त्यस्तै मालढुङ्गादेखि मन्दिरसम्मको सम्पूर्ण क्षेत्रमा सुरक्षा परियोजनार्थ सिसि टिभि व्यवस्था गर्ने र विद्युतीय जडानका तारहरुलाई सुव्यवस्थित गर्नका लागि अन्डरग्राउण्ड गर्ने समेत जनाईएको छ ।
