बागलुङ । जिल्ला प्रहरी कार्यालय बागलुङले वैदेशिक रोजगारी ठगी सम्बन्धी फरार अभियुक्तलाई पक्राउ गरेको छ ।
प्रहरीले बागलुङ नगरपालिका वडा नं. १३ का ४२ वर्षीय रुद्रनाथ शर्मालाई पक्राउ गरेको हो ।
वैदेशिक रोजगार न्यायाधिकरण ईजलास काठमाण्डौबाट वैदेशिक रोजगारी ठगी कसुरमा २०७६ भाद्र २९ गतेको फैसलाले शर्मालाई पाँच हजार रुपैयाँ जरिवाना तोकेको थियो ।
त्यसयता हालसम्म फरार रहेका उनको खोजतलास गर्ने क्रममा आफ्नो घरमै लुकिछिपी बसिरहेको अवस्थामा शुक्रवार पक्राउ गरिएको प्रहरीको भनाई छ ।
उनलाई लगत कट्टाको लागि बागलुङ जिल्ला अदालत पेश गरिएको बताईएको छ ।
