बागलुङ : अगस्ट १९ देखि २३ सम्ममा थाइल्याण्डमा हुने थाइल्याण्ड ओपन कराते दो प्रतियोगितामा बागलुङका २ खेलाडीले सहभागिता जनाउने भएका छन् ।
सो प्रतियोगितामा भाग लिन बडिगाड डोजो खेलाडीहरु नवीन थापा र बिज्जल पाईजा बुधवार काठमाडौं प्रस्थान गरेका छन् ।
बडिगाड डोजोमा एक कार्यक्रम गर्दै प्रमुख प्रशिक्षक राजन कुमार पाईजा र बडिगाड गाउपालिका वडा नं.५ का वडाध्यक्ष बिष्णु प्रसाद आचार्यले खेलाडीहरुलाई जितको शुभकामना दिदै बडिगाडबाट अन्तराष्ट्रिय खेलमा सहभागी जनाउन पाउनु नै सौभाग्यको कुरा भएको वताए ।
सोही अवसरमा पाईजा र आचार्यले आफ्नो व्यक्तिगत तर्फबाट केही रकम खेलाडीलाई हस्तान्तरण गरे । बडिगाड डोजोका प्रमुख प्रशिक्षक पाईजाले बडिगाड डोजोबाट हालसम्म विभिन्न देशमा आफ्नो खेलाडीहरुले सहभागी जनाउदै राम्रो प्रर्दशन गरेकोमा खुशी व्यक्त गरे ।
उनले खेलमा हार जित दुवै हुने र दुवै पक्षलाई स्वभाविक रुपमा लिनुपर्ने वताउदै खेलाडीहरुलाई जीतको शुभकामना दिए ।
