बागलुङ : शिक्षा, विज्ञान तथा प्रविधि मन्त्री देवेन्द्र पौडेलले प्रतिनिधि सभा सदस्य पदका लागि उम्मेदवारी दर्ता गराएका छन्।
आइतबार दिउँसो ३ बजे निर्वाचन अधिकृतको कार्यालय बुर्तिबाङ पुगेर पौडेलले बागलुङ-२ बाट उम्मेदवारी दिएका हुन्।
पौडेल उक्त क्षेत्रका निवर्तमान सांसद पनि हुन्।
बागलुङ-२ मै एमालेकी मन्जु शर्मा चालिसेले उम्मेदवारी दिएकी छन्। त्यसैगरी प्रदेश सभामा नेपाली कांग्रेसबाट जित शेरचन र दोर्ण कुँवरले उम्मेदवारी मनोनयन गराएका छन्।
