बागलुङ । बागलुङको बडिगाड खोलामा एक महिलाको शव फेला परेको छ । मंगलबार (आज) बिहान ८ बजे ढोरपाटन नगरपालिका २ खोल्टुबोट नजिकै बडिगाड खोलामा अर्धनग्न अवस्थामा महिलाको शव फेला परेको हो ।
‘बिहान खोलामा शव देखेपछि स्थानीयहरुले हामीलाई खबर गर्नुभएको हो,’ इलाका प्रहरी कार्यालय बुर्तिबाङका प्रमुख राजकुमार विकले न्यूज खरीलाई भने, ‘अहिले खोलाबाट शव निकालेर बुर्तिबाङ प्राथमिक स्वास्थ्य केन्द्रमा लैजाने तयारी भएको छ ।’ उनका अनुसार ती महिलाको शव पहिचान अहिलेसम्म हुन सकेको छैन ।
