गुल्मी, २५ मँसिर ।
महेन्द्र आदर्श माद्यामिक विद्यालय मुनपा ७ गुल्मीको ६१ औ बार्षिकोत्सब आजबाट सुरु भएको छ । आज पहिलो दिनको कार्यक्रममा अन्तरसदानात्मक भलिवल, हाजीरीजवाफ, शिक्षकहरुको फुटवल लगायतका कार्यक्रम सम्पन्न भएका छन् ।
औपचारीक कार्यक्रम भने आउने २८ गते गरीने विद्यालयले जनाएको छ । उता त्रिभुवन माद्यामिक विद्यालय मुसिकोट नगरपालिका ६ कुर्घा गुल्मीको ५३ औ बार्षिकोत्सव सुरु भएको छ । विद्यालय व्यवस्थापन समिति अध्यक्ष जँग बहादुर रायमाझीको अध्यक्षतामा सम्पनन भएको कार्यक्रममा वडाध्यक्ष खड्क बहादुर खड्काको प्रमुख आतिथ्यता रहेको थियो ।
भने मुसिकोट नगरपालिका शिक्षा शाखाका चुरा बहादुर छन्तेल, विद्यालयका पुर्व प्रध्यानाध्यापक राम बहादुर थापा, पुर्व अध्यक्ष झविराम शर्मा लगायतको उपस्थिती रहेको थियो । प्रध्यानाध्यापक जीत बहादुर रायमाझीको स्वागत रहेको कार्यक्रमको सञ्चालन विद्यालयका शिक्षक गोपाल रायमाझीले गर्नुभएको थियो ।
आज पहिलो दिनको कार्यक्रम अन्तर्गत जुनियर तर्फको हाजीरीजवाफ, सिनियर तर्फको बक्तृत्वकला, अन्तरप्रावि स्तरीय अनुलेखन प्रतियोगीता सम्पन्न भएका छन् । कार्यक्रमको समापन आउने २७ गते समापन हुने छ ।
