रामकृष्ण कंडेल,वामीटक्सार – दजाकोट,गुल्मीमा आयोजना गरिएको माघि मेलाको तयारी पुरा भएको बताईएको छ।मन्च निर्माण,स्वागत द्वार निर्माण,सरसफाई,मेला आयोजना गरिएको क्षेत्र भित्र ध्वजा पतका, तोरन लगायत कार्य हरू सम्पन्न पश्चात दजाकोट बेहुली सिंगारिए जस्तै देखिन्छ।माघ १गते दजाकोटमा यानीमाया गीतका प्रसिद्ध गायक तृसना घर्ति मगर र रामचन्द्र चन्दको प्रस्तुती रहने छ । कार्यक्रममा निकै ठुलो उपस्थिति रहने आयोजकको भनाई रहेको छ।कार्यक्रम लाई सभ्य र भब्य रूपमा सम्पन्न गर्नको लागी सबै तयारी हरू पुरा भई सकेको प्रचार प्रसार उपसमिति संयोजक बिमल छन्त्यालले जानकारी दिनु भएको छ।
उप समिति संयोजक छन्तेलले पशुपती नि मा बि को प्रांगणमा विभिन्न कला संस्कृति र परिकारको प्रर्दशनी तथा विविध साँस्कृतिक कार्यक्रम आयोजना गरिएकोले दजाकोट लगायतका क्षेत्र हरू बाट ठुलो संख्यामा दर्शक हरूको उपस्थितिको लागि आग्रह समेत गर्नु भएको छ।दजाकोटमा होमस्टे संचालन गर्ने, मगर कला संस्कृतिको संरक्षण गर्ने, भिजिट नेपाल २०२० लाई सहयोग गर्ने, प्रसिद्ध अकाला देवीको मन्दिरको पुर्निमाण गरिने लगायतका ऊध्देश्य हरू सहित मेला आयोजना गरिएको बताईएको छ।
