सागर भण्डारी, फाल्गुण १९ । बाग्लुङको बडीगाड गाउँपालिकामा जिप र मोटरसाईकल एक आपसमा ठोक्किँदा एक जना घाईते भएका छन । बडीगाड गाउँपालिका ५ खारमा बुर्तिबाङ देखि रिघा जाँदै गरेको लु ४३ प १४६४ नंको मोटरसाईकल र बाग्लुङदेखि बुर्तिबाङतर्फ जाँदै गरेको बा २१ च् ७७६ नं को बोलेरो जीप एक आपसमा ठोक्किएका हुन् ।
दु*र्घटनामा परि बाग्लुङको निशिखोला गाउँपालिका ६ भल्कोटका ३१ वर्षीय भक्तबहादुर विश्वकर्मा घाईते भएको प्रहरीचौकी खारले जानकारी दिएको छ । दु*र्घटनामा परि उनको हात खुट्टामा चो*ट लागेको र अहिले बडीगाड पोलिक्लिनिकमा उपचार भईरहेको तथा स्वास्थ्य अवस्था सामान्य रहेको प्रहरी ईन्चार्ज राजेन्द्र बहादुर भुजेलले जानकारी दिनुभयो ।
दु*र्घटना के कारणले भएको हो भन्नेबारे भने अनुसन्धान भईरहेको उहाँले बताउनुभयो । जीप चालक भने प्रहरी नियन्त्रणमा रहेको बताईएको छ । यसैबीच सोही गाउँपालिकाको खौलारमा पनि एक सवारी दु*र्घटनाका घटना भएको छ । ट्याक्सीले बालकलाई ठक्कर दिँदा बालक सामान्य घा*ईते भएका छन। उनको अवस्था भने सामान्य रहेको बताईएको छ ।
