बडिगाड । बडिगाड गाउँपालिकामा भारतमा रहेकाहरु आउने क्रम जारी गरेको छ । बन्दाबन्दीले रोजगारी समेत गुमेपछि भारतका विभिन्न ठाउँमा अलपत्र परेकाहरु गाउँ फर्किन थालेका छन् । उनीहरुलाई गाउँपालिकाले सिमानाकाबाट उद्धार गरिरहेको छ ।
यसैक्रममा आज मगंलबार थप ५४ जना वडा भित्रिएका छन् । भारतको गुँजरातबाट आएका उनीरुलाई वडा नं ५ स्थित पौदि टारि आधारभूत विद्यालयमा गाउँपालिकाले निर्माण गरेको क्वारेन्टाईनमा राखिएको छ ।
साथै मगंलबार राति नै थप ४४ जना आउँदै गरेको र उनीहरु मध्ये २६ जनालाई बुद्द माध्यमिक विद्यालय खालमा निर्माण गरिएको क्वारेन्टाईनमा र बाँकी १८ जनालाई भानु माध्यमिक विद्यालयको क्वारेन्टाइनमा राख्ने तैयारी भएको गाविस स्तरीय कोरोना विपद व्यवस्थापन द्रूत समितिका अध्यक्ष कृष्ण गुरुङले जानकारी दिनुभएको छ ।
