अनिल खत्री , गुल्मी । गुल्मीमा होम क्वारेन्टीनमा बसेका एक जनाको मृत्यु भएको छ । जिल्लाको छत्रकोट गाउँपालिका वडा नम्बर–५ मैनडाँडा निवासी ६९ वर्षिय पुरुषको मृत्यु भएको जिल्ला प्रहरी कार्यालय गुल्मीका प्रहरी उपरिक्षक राजेन्द्रसिंह खड्काले बताउनभुयो ।
गत जेठ २५ गते भारतबाट आएर होम क्वारेन्टीनमा रहेका उनको मृत्यु भएको हो । मृतक पुरुष प्यारालाइसीसको बिरामी रहेको गाउँपालिकाका स्वास्थ्य संयोजक पुण्य पौडेलले जानकारी दिनुभयो । भारतमा उपचार गरेर घरमा ल्याइएका पुरुषको बिहिवार गरिएको आरडिटी परिक्षणमा पोजिटिभ आएको जिल्ला स्वास्थ्य कार्यालय गुल्मीका सूचना अधिकारी पशुपति आचार्यले बताउनुभयो । उनको गएराती मृत्यु भएको हो ।
मृतका पुरुषको स्वाब संकलन गरेर प्रादेशिक प्रयोगशाला रुपन्देहीमा पठाइएको आचार्यले बताउनुभयो । मृतक पुरुषलाई भारतबाट हेरचाहा गर्दै नेपाल ल्याएका अर्का एक जनाको आरडिटी परिक्षणका नेगेटिभ आएको जिल्ला स्वास्थ्य कार्यालय गुल्मीले जनाएको छ । भारतबाट आएर क्वारेन्टीनमा बस्न नसक्ने भएपछि मृतकका छोरी ज्वाइले हेरचाहा गर्ने गरिहोम क्वारेन्टीनमा राखिएको गाउँपालिकाका स्वास्थ्य संयोजक पौडेलले बताउनुभयो । मृ*तक पुरुषको शबलाई नेपाली सेनाले व्यवस्थापन गर्न घ`टना स्थल पुगेको छ ।
जिल्लामा हालसम्म कोरोना संक्रमितको संख्या १०५ जना पुगेको छ । संक्रमितमध्ये ३ जना उपचारपछि घर फर्किएका छन् । जिल्लामा कोरोना संक्रमणबाट जना २ जनाको मृत्यु भइसकेको छ । जिल्लामा हालसम्म पिसिआर परिक्षण्को लागि ९७६ जनाको स्वाब संकलन गरेर पठाइएकोमा ५४८ जनाको रिर्पोट आउन बाँकी रहेको छ ।
