दिनेश शर्मा, बाग्लुङ । पश्चिम बाग्लुङकी एक तारा सभासद ज्ञान कुमारी छन्त्यालको ६६ वर्षको उमेरमा मृत्यु भएको छ ।
लामो समयदेखि गंगालाल राष्ट्रिय हृदय रोग केन्द्र काठमाण्डौमा उपचार गराईरहनुभएकी उहाँको आज बिहान निधन भएको छ ।
साविकको तमानखोला गाउँपालिका वडा नम्वर ५ खुंखानीमा जन्मनुभएकी छन्त्याल बाग्लुड जिल्ला क्षेत्र नं २ नेपाली काँग्रेसको तर्पबाट २०७० सालको संविधान सभा निर्वाचनमा निर्वाचित सभासद तथा सांसद र हाल समानुपातिक सांसद समेत हुनुहुन्छ । बागलुङ क्षेत्र नम्बर २ कि केन्द्रीय सांसद ज्ञानकुमारी छन्त्यालको लामो समसदेखि मुटुमा समस्या आएपछि काठमाडौँ स्थित गंगालाल मुटु रोग अस्पतालमा उपचाररत हुनुहुन्थ्यो ।
आज विहान ९ बजे उहाँको मृत्यु भएको नेपाली कांग्रेस बागलुङ क्षेत्र नम्बर २ का सभापति दोर्ण कुवँरले जानकारी दिनुभयो । उहाँ २०७३ सालको चुनावमा नेपाली कांग्रेसको तर्फदेखि समानुपतिकबाट सांसद बन्नुभएको थियो ।उहाँको आज दिउसो १ बजे आर्यघाटमा अन्त्येष्टी गरिने समेत पारिवारिक श्रोतले जनाएको छ ।
