बागलुङ ।अविरल वर्षातका मध्यपहाडी पुष्पलाल लोकमार्गको बागलुङ बुर्तिवाङ खण्ड पहिरोका कारण अवरुद्ध बनेको छ । अविरल वर्षा संगै सडक माथिबाट आएको पहिरोले बिहीबार राती देखि मध्यपहाडी पुष्पलाल लोकमार्ग अवरद्ध बनेको छ ।
जिल्लाको गलकोट नगरपालिका–११ रिघा काउछेमा ढुङ्गा सहित खसेको पहिरोले लोकमार्ग अवरुद्ध हुँदा आवत–जावत ठप्प भएको गलकोट नगरपालिका–११ का वडा अध्यक्ष डम्मर श्रीसले जानकारी दिनुभयो । लोकमार्ग माथिबाट आएको पहिरोले लोकमार्गको करिव २५ मिटर सडक पुरेको छ । मध्यपहाडी लोकमार्ग अवरुद्ध हुँदा बागलुङ जिल्लाको पश्चिम क्षेत्र सहित रुकुम, रोल्पा पुग्ने सवारीहरु अलपत्र परेका छन् ।
निरन्तरको वर्षातका कारण लोकमार्ग खुलाउन समस्या भएको गलकोट नगरपालिकाले जनाएको छ । यस्तै अविरल वर्षसंगै आएको पहिरोले बागलुङका अधिकांस ग्रामिण सडकहरु समेत अवरुद्ध बनेका छन् । cp aadarsa sanchar
