जीवन पाण्डे,गुल्मी । सामुदायिक रेडियो पुष्पाञ्जली ९७.४ मेगाहर्ज मुसिकोट ७ गुल्मीको स्टेशन म्यानेजरमा सागर भण्डारी चयन हुनुभएको छ । यस अगाडी समाचार प्रमुखको रुपमा कार्यरत भण्डारी म्यानेजरको रुपमा चयन हुनुभएको हो । त्यस्तै रेडियोको स्टेशन कोअर्डिनेटरमा विष्णु प्रसाद आचार्य चयन हुनु भएको छ ।
भण्डारी विगत ७ वर्ष देखि रेडियो पत्रकारितामा आबद्ध रहनुभएको छ । उहाँले मोफसल र स्थानीय गरी थुप्रै रेडियोमा समेत काम गरिसक्नुभएको छ । त्यस्तै आचार्य पनि लामो समय देखि रेडियोमा समाचार वाचकको रुपमा काम गर्दै आउनुभएको थियो । यस अगाडी स्टेशन म्यानेजरको रुपमा काम गर्दै आउनुभएका प्रकाश घिमिरेको कार्यव्यस्तताका कारण भण्डारीलाई म्यानेजरको जिम्मेवारी दिईएको रेडियोले जनाएको छ ।
घिमिरेले रेडियोमा स्टेशन म्यानेजरको रुपमा झण्डै ३ वर्ष काम गर्नुभएको थियो । नयाँ जिम्मेवारी सगैं रेडियोलाई थप सुधार र प्रविधि एवम् सामुदायिक रेडियोको नाताले थप समुदायमा आधारित कार्यक्रमहरु समावेश गरेर सामुदायिक रेडियोको मर्म र भावनालाई बुझेर कार्यक्रम एवम् समाचारहरु सम्प्रेषण गर्ने बताईएको छ ।
