निसीखोला गाउँपालिका वडा नम्बर ६ भल्कोटमा खोलाले बगाउँदा एक ७ वर्षीया बालिका बेपत्ता भएकि छिन् । भल्कोट खोलाले बगाउँदा स्थानीय राजिव बुढाकी ७ वर्षीया छोरी सञ्जिला बुढा मगर मङ्गलबार साँझ बेपत्ता भएको जिल्ला प्रहरी कार्यालय बागलुङका सूचना अधिकारी राजेन्द्र रेग्मीले जानकारी दिनुभयो । साँझ पाँच बजे घरदेखि करिब २०० मिटर दुरी टाढा रहेको भल्कोट खोला किनारमा खेलिरहेकी बालिकालाई खोलाको बहाव अचानक वृद्धि हुँदा बगाएको हुन सक्ने बताइएको छ । स्थानीयसंग मिलेर बालिकाको खोजी कार्य जारी राखेको प्रहरीले जनाएको छ ।