तेलुगु अभिनेता जय प्रकाश रेड्डीको ७३ वर्षको उमेरमा मंगलबार (सेप्टेम्बर २०२०) हृदयघातको कारण निधन भएको छ। आन्ध्र प्रदेशको गुन्टूरमा रहेको आफ्नो निवासमा नै उहाको निधन भएको भारतीय मिडियाहरुले उल्लेख गरेका छन्। अभिनेता सुधीर बाबुले आफ्नो ट्विटरमा जय प्रकाश रेड्डीको तस्बिर राखेर। ‘नराम्रो खबर, हार्दिक श्रद्दान्जली’ भनेर ट्वीट गरेका छन्।
आंध्र प्रदेशका पूर्व मुख्यमंत्री एन चन्द्रबाबू नायडूले पनि जय प्रकाश रेड्डीको निधनमा शोक व्यक्त गरेका छन्। उनले आफ्नो ट्विटर मार्फत “आज जयप्रकाश रेड्डीको निधनसँगै तेलुगु सिनेमा र नाटकले एउटा रत्न गुमाएको छ। दशकौंसम्मको उनको बहुआयामी अभिनयले हामीलाई धेरै अविस्मरणीय सिनेमागत क्षणहरू प्रदान गरेको छ। यस घडीमा उनको परिवार र साथीहरुलाई म हार्दिक शोक व्यक्त गर्दछ’ भनेर ट्वीट गरेका छन्। उनले ३ दर्जन भन्दा बडी फिल्ममा अभिनय गरेका छन् भने सिनेमा जगतका अन्य अभिनेतहरुले पनि रेड्डीको निधनले स्तब्ध भएको बताएका छन्।
