बडिगाड अनलाइन,बाग्लुङ । बडिगाड गाउँपालिका अध्यक्षको गोठमा आगलागी भएको छ । गाउँपालिका अध्यक्ष मेयरसिहं पाईजाको गोठमा आगलागी भएको हो ।
करिब बिहान ५ बजेतिर भएको आगलागीबाट गोठमा रहेको भैँसी जलेर घाईते भएको छ भने घाँस दाउरा र अन्य सामाग्री जलेर नष्ट हुँदा झण्डै ४ लाख बराबरको क्षति भएको छोरा राजन पाईजाले जानकारी दिनुभयो ।
बिहिवार साँझ गोठमा भैँसीलाई कुँडो पकाएर आगो निभाएको भएपनि आगलागी कसरी भयो भन्ने बारेमा भने अन्योल सिर्जना भएको उहाँको भनाई छ । आगालागी हुने कुनै कारण प्रारम्भिक रुपमा नदेखिएकाले कसैले लगायोकी भन्ने अनुमान गरिएपनि प्रहरीलाई बोलाएर अनुसन्धान थालिने बताईएको छ ।
गोठमा आगालागी भएको परिवारले देखेपछि स्थानीयलाई खबर गरेका थिए । आगलागी भएको केही समयपछि आगो नियन्त्रणमा आएको थियो ।
