बडिगाड गाउँपालिका–७ गाँवमा रहेको खड्ग जयन्ती आधारभूत विद्यालयको विद्यालय व्यवस्थापन समितिको गठन गरिएको छ ।
बुधबार स्थानीय महेश खत्रीको अध्यक्षतामा ९ सदस्य विद्यालय व्यवस्थापन समितिको गठन गरिएको हो ।
जसको सदस्यमा टिका केसी, रेखा केसी, रामबहादुर केसी, रणबहादुर विक, अस्मिता गुरुङ, सदस्य सचिवमा बासुदेव अर्याल, शिक्षक प्रतिनिधि घनश्याम घर्ती र पदेन सदस्य वडाअध्यक्ष कृष्ण गुरुङ चयन भएका हुन् ।
यस्तै, डोरबहादुर खड्काको अध्यक्षतामा १५ सदस्यीय शिक्षक अभिभावक संघको गठन गरिएको छ । बुधबार भएको विद्यालय व्यवस्थापन समितिको गठन विवादरहित सर्वसम्वत रुपले गरिएको छ । यसअघि हरिप्रसाद चालिसे विद्यालय व्यवस्थापन समितिको अध्यक्ष भएर काम गरेका थिए ।
