– अनिश पाठक
बागलुङ: बडिगाड गाँउपालिकाको आयोजना तथा त्रिभुवन नमुना मावि खर्वाङको व्यवस्थापनमा तेस्रो राष्ट्रपति रनिङ्ग शिल्ड प्रतियोगितामा साेमबार सम्पन्न भएको छ।
३ दिन सम्म संचालन भएको प्रतियोगितामा पालिका भित्रका १५ मावि विद्यालयको सहभागिता रहेको बडिगाडका शिक्षा तथा खेलकुद शाखाका प्रमुख प्रकाश बहादुर क्षेत्रीले बताए।
प्रतियोगितामा २५ स्वर्ण ९ रजत र ३ कास्य पदक सहित त्रिभुवन नमुना मावि खर्वाङ प्रथम, ११ स्वर्ण २ रजत र २ कास्य पदक सहित भानु मावि ग्वालिचार द्वितिय, र २ स्वर्ण ७ रजत र ७ कास्य पदक सहित बनस्पति मावि जलजला तितृय भएको छ। यस प्रतियोगितामा विजेता बनेको त्रिभुवनले तेस्रो पटक पनि विजेता बन्दै शिल्ड आफ्नो बनाएको क्षेत्रीले जानकारी दिनुभएको छ।
यो पनि हेर्नुहोस्: इन्सपेक्टर बुवाले डीएसपी छोरीलाई सल्युट गरेको तस्वीर सामाजिक सञ्जालमा भाइरल
यस्तै बडिगाड गाँउपालिकाका कर्मचारी र जनप्रतिनिधि विचको भलिबल प्रतियोगितामा जनप्रतिनिधिको टिमले विजय प्राप्त गरेको छ। साथै सोहि अबसरमा प्रतियोगिता सफल बनाउन सहयोग गर्ने सबैलाई सम्मान समेत गरिएको थियो।
साभार: रेडियो सारथी
