छबिलाल पाण्डे, बागलुङ : शुक्रबार दिउँसो बडिगाड खोलाले बगाउँदा बुर्तिबाङको खप्तरीबाङबाट एक वालक वेपत्ता बनेका छन ।
गुल्मीको मुसिकोट नगरपालिका-४ घर भई हाल बाबा आमासँग मावली घर ढोरपाटन नगरपालिका-१ खप्तरीबाङ आएका साढे दुई वर्षीय बालक नविन कुमाललाई बडिगाड खोलाले बगाएको हो ।
शुक्रबार दिउँसो साढे २ बजेतिर नविनका १२ वर्षिय दाजु अप्सन कुमाल नुहाउन खोलामा गएको र साथैमा भाईलाई पनि लिएर गएको बताईएको छ ।
अप्सनले नुहाउँदै गर्दा नदी छेउमा खेल्दै गरेका भाईलाई नदिले बगाएको अप्सनले बताएको प्रहरीले जनाएको छ ।
नदीले बगाएर वेपत्ता बनेका बालकको इलाका प्रहरी कार्यालय बुर्तिबाङ, तथा स्थानीयवासीले शुक्रबारदेखि नै खोजी कार्य जारी राखे
पनि हालसम्म फेला नपरेको इलाका प्रहरी कार्यालय बुर्तिबाङका प्रमुख जयराम वन्तले बताए ।
