गुल्मी । तानसेन रिडी खण्ड सडक बन्द हुने भएको छ । तानसेन रिडी सकड खण्डको जोर्तेमा सकड चौडा पार्ने कार्य भइरहेकाले सडक बन्द गर्न लागिएको हो । सडक बन्द समयमा गुल्मी देखि जाने साना सवारी साधनले लुहुङ्ग-बतासेडाँडा भएर चल्न सक्नेछन् ।
शनिबार देखि सडक निर्माणको समय बिहान ४ः३० देखि ८ः३० बजेसम्म सडक बन्द रहने छ । भने बिहान ८ः३० देखि ११ बजेसम्म बाटो खुल्ला हुनेछ । बिहान ११ बजे देखि २ बजेसम्म बाटो बन्द हुने र दिउँसो २ बजे देखि ४ः३० बजेसम्म सडक खुल्ला हुनेछ ।
साथै साँझ ४ः३० देखि ८ः३० सम्म सडक बन्द हुनेछ । त्यस्तै रातीको ८ः३० देखि बिहान ४ः३० सम्म सडक खुल्ला रहने सडक निर्माण कार्य गरिरहेको प्रदिप साइन जे.भि काठमाडौंले जनाएको छ ।
