नेपाली कांग्रेसको १४ औँ महाधिवेशनबाट गलकोट नगरपालिकाको सभापतिमा विरजंग भण्डारी चयन हुनु भएको छ ।
शनिबारदेखि सुरु भएको अधिवेशन सहमति नजुट्दा सोमबारसम्म लम्बिएको हो । सभापतिका लागि भण्डारीसहित नारायणध्वज मल्ल र मुकुन्दसिंह भण्डारीले उम्मेद्वारी दिनु भएको थियो ।
लामो समयको कसरत पछि सर्वसम्मत रूपमा भण्डारी सभापतिमा चयन भएको निर्वाचन अधिकृत माया पौडेलले जानकारी दिनुभयो । उपसभापति, सह–सचिव पनि सहमतिमै चयन भए पनि सचिवको लागि छलफल भई रहेको पौडेलले बताउनुभयो ।
सचिवमा हेमराज गैरे, लोकनाथ कँडेल, योगेश भण्डारी, चिरञ्जीवी मरासेनी र टिकाराम गौमतले उम्मेद्वारी दिएका थिए । उनीहरु मध्य दुई जना चयन हुने छन् । सचिवका लागि सहमति जुटाउने प्रयास भइरहेको उहाँको भनाई छ ।
