गुल्मी । गुल्मीको मुसिकोट नगरपालिका ७ वामीमा रहेको एक विद्यालयले स्कूल बसको रुपमा प्रयोग गर्दै आएको एक भ्यान दुर्घटनामा परेको छ ।
विद्यार्थी छोडेर फर्कदैं गरेको मालिका वोर्डिगं स्कुलको गाडी शेरामा दुर्घटना भएको हो । विद्यालय विदा भएपछी विद्यार्थीलाइ छोडेर फर्किदै गर्दा दुर्घटनामा परेको हो ।
मालिका इङ्ग्लिस बोर्डिङ्ग स्कुलका विद्यार्थीहरुलाइ वामी सेरासम्म छोडेर फर्कने क्रममा करिब ४ः४५ बजेतिर दुर्घटना भएको वामीका ट्राफिक प्रहरी सुनिल थापाले जानकारी दिए । गाडी सडकबाट करिब २० देखि २५ मिटरको दुरिमा खसेको छ ।
उक्त गाडिमा अन्य यात्रु कोहि नभएको र चालक २४ बर्षीय खुम बहादुर राना घाइते भएको र उनको स्थानिय मेडिकलमा उपचारको लागि पठाइको विद्यालयका पृन्सिपल पुस्तकलाल श्रेष्ठले बताए ।
बिपरित दिशातिरबाट आएको मोटरसाइकललाई बचाउने क्रममा एक्कासी ब्रेक लगाउदा सडकको ढुङ्गामा घर्सिएर दुर्घटना भएको चालक खुम बहादुर रानाले बताएका छन । सडक देखि तल खसेको गाडिलाइ निकाल्ने प्रयास भैरहेको छ ।
