सागर भण्डारी,मुसिकोट । यही पौष २३ गते हुने नेकपा एमाले गुल्मीको ११ औँ जिल्ला अधिवेशनका लागि मुसिकोट नगरपालिकाबाट सर्वसम्मत प्रतिनिधि चयन भएका छन् ।
अधिबेशनमा सहभागी हुनका लागि मुसिकोट नगरपालिबाट ९ वटै वडाका ३८ जना प्रतिनिधि सर्वसम्मत चयन भएको नेकपा एमाले मुसिकोट नगरकमिटी अध्यक्ष प्रकाश काफ्लेले जानकारी दिनुभयो ।
चयन भएका प्रतिनिधि मध्ये १२ महिला, ५ दलित र खुल्ला तर्फ २१ जना रहेको उहाँले बताउनुभयो । जसमध्ये वडा नं १ बाट खुल्ला ४ जना दलित १ र महिला एक गरी ६ जना, वडा नं २ र ३ बाट खुल्ला १/१ जना महिला १/१ जना र दलित १/१ जना गरी ३/३ जना तथा वडा नं ४ बाट खुल्ला ४ जना र महिला तर्फ १ जना गरी ५ जना प्रतिनिधि चयन भएको काफ्लेले जानकारी दिनुभयो ।
त्यस्तै वडा नं ५ र ९ बाट २/२ खुल्ला र १ महिला गरी ३/३ जना, वडा नं ७ बाट खुल्ला ५ जना र महिला २ जना गरी ७ जना र वडा नं ८ बाट खुल्ला ३, महिला १ र दलित १ गरी ५ जना सर्वसम्मत रुपमा चयन भएका छन् ।
