गुल्मी । नेपाली काँग्रेस मुसिकोट नगरकार्यसमितिले फाल्गुण ३ गते विस्तारित भेला आयोजना गर्ने भएको छ ।
१४ औँ महाधिवेशन पश्चात पार्टीले हालसम्म गरेका क्रियाकलापहरुको समिक्षा र आसन्न स्थानीय तहको निर्वाचनको विषयमा छलफल गर्न विस्तारित भेलाको आयोजना गरिएको काँग्रेसले जनाएको छ ।
नेपाली कांग्रेस मुसिकोटले नगरका ९ वटै वडामा सञ्चालन गरेको दलित जागरण अभियान तथा अन्य कार्यहरुको बारेमा व्यापक समिक्षा गर्दै नयाँ रणनिती तय गर्न भेलाको आयोजना गरिएको नेपाली काँग्रेस मुसिकोट नगर सभापति मोहन घिमिरेले जानकारी दिनुभयो ।
दलित जागरण अभियानमा नागरिकहरुको उल्लासपूर्ण सहभागिता रहेको बताउदै सभापती घिमिरेले अब नेपाली कांग्रेस मुसिकोटले निर्वाचन लक्षित कार्यक्रम सन्चालन गर्ने बताउनुभयो ।
साथै आगामी फाल्गुण-३ गतेको भेलामा समसामयिक विषयवस्तुको अतिरिक्त पाटीको चुनावी घोषणापत्रको तयारी र उम्मेदवार चयनको विषयमा प्रारम्भिक छलफल हुने नेपाली कांग्रेस मुसिकोटले जनाएको छ ।
