बागलुङ । बागलुङको बडिगाड गाउँपालिका वडा नं ७ मा साझा गठबन्धनतर्फबाट नेपाली काँग्रेसका उम्मेदवारहरुको प्यानलनै विजयी भएको छ ।
अन्तिम मतपरिणाम अनुसार उक्त वडामा नेपाली काँग्रेसका दिपेन्द्र प्रताप केसीले ७६९ मत प्राप्त गरी विजयी हुनुभएको छ । उहाँका प्रतिद्धन्ती नेकपा एमालेका गगां गुरुङले ७ सय ४३ मत प्राप्त गर्नुभयो ।
त्यस्तै महिला वडा सदस्यमा रविना थापा,दलित महिला सदस्यमा तुलसी कामी,खुल्ला सदस्यमा दुर्गा राज पाईजा र रेखिराम बुढा विजयी हुनुभएको छ ।
बडिगाड गाउँपालिका अध्यक्ष र उपाध्यक्ष पदमा भने गठबन्धनले मतान्तर बढाउँदै लगेको छ । यो समाचार तैयार पार्दासम्म साझा गठबन्धनको तर्फबाट गाउँपालिका अध्यक्ष पदमा गण्डकी थापा अधिकारी नेकपा एमालेका उम्मेदवार राजन पाईजा भन्दा १३०२ मतले अगाडी हुनुहुन्छ ।
त्यस्तै उपाध्यक्ष पदमा साझा गठबन्धनका भिमसेन वन एमालेका उम्मेदवार भन्दा १ हजार ८९ मतले अग्रता कायम गर्नुभएको छ । अहिले वडा नं ६ को मतगणना भईरहेको छ ।
